Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

O‘zi tipratikan masalasida ixtilof bor. Masalan, Molikiy va Shofi’iy mazhablarida u halol deyiladi. Ya’ni bu ixtilofli masala bo‘lgani uchun bu yerda ish yengilroq bo‘ladi.

Agar bu tajribadan o‘tgan bo‘lsa, ya’ni haqiqatda shundan shifo topganlar bo‘lsa, tajriba asosida qilish mumkin.

Qonini surtish esa yana ham yengilroq. Chunki qon ichish yomon narsa, ammo surtish — masalan, ilon zahri yoki shunga o‘xshagan najas narsalarni badanga surtib, keyin yuvib tashlansa, buning zarari yo‘q.

U hali yosh qiz ekan, unga namoz ham vojib emas. Agar bu narsa haqiqatda tajribada foydali bo‘lgani ma’lum bo‘lsa, bunda ham zarar yo‘q.

Vallohu a’lam.