Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Ya’ni, holatingizga qarash kerak. Bunday masalada aniq bir narsa deyish qiyin, chunki odamlarning holati turlicha bo‘ladi.

Agar o‘zingizda ilmga bo‘lgan qiziqish va rag‘bat kuchliroq bo‘lsa, ilm olishga e’tibor qarating. Agar uylanib ham ilm olish imkoniyati bo‘lsa, ikkalasini jamlashga harakat qiling. Lekin ko‘pincha odam uylangandan keyin oila, ro‘zg‘or va tirikchilik tashvishlari bilan band bo‘lib qoladi.

Agar shunday bo‘lish ehtimoli yuqori bo‘lsa va siz hali 24 yoshda bo‘lsangiz, hamda uylanishga juda katta ehtiyoj sezmayotgan bo‘lsangiz, bir-ikki yil ilm olib, savodingizni chiqarib, halol-haromni o‘rganib olishingiz foydaliroq bo‘lishi mumkin. Chunki yoshlik davri ilm olish uchun eng katta imkoniyat va fursatdir.

Agar nafsingiz va sharoitingiz ko‘tara olsa, men sizga shuni tavsiya qilgan bo‘lardim.

Ya’ni, avval ilm olib, muayyan darajada bilim hosil qilsangiz, keyin oila qursangiz, Allohning izni bilan, uylangandan keyin ham ilmni davom ettirishingiz osonroq bo‘ladi.

Vallohu a’lam.