Bu narsani joiz emas deb bilamiz. Chunki sug‘urta kompaniyasi siz uchun to‘lab bergani evaziga sizdan qo‘shimcha haq olyapti. Bu go‘yoki sizga qarz berib, keyin ustama bilan qaytarib olayotgandek bo‘ladi.

Bu esa riboga o‘xshab qoladi.

Yoki boshqa tomondan qaralsa, ular sizga kafillik beryapti va shu kafilligi uchun haq olyapti. Bu esa fuqaholar aytgan:

“‎كَفِيلٌ بِأُجْرَةٍ”
ya’ni “haq evaziga kafillik” masalasiga kiradi.

Ko‘pchilik ulamolar bunday kafolatni joiz deb bilmaydilar.

Demak:

• agar ular siz uchun to‘lab, keyin ustama bilan qaytarib olsa — bu ribo bo‘ladi;
• agar “biz sizga kafolat beramiz” deb pul olsa — bu ham joiz emas deb qaraladi.

Shuning uchun eng to‘g‘ri yo‘l:
imkon qadar o‘sha to‘lovlarni o‘zingiz qilish yoki shariatga muvofiq boshqa yo‘l izlashdir.

Chunki birov siz uchun to‘lab berib, keyin uni foiz yoki qo‘shimcha bilan qaytarib olsa, bu ribo muomalasiga kirib qoladi.

Vallohu a’lam.