Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Namoz masalasiga keladigan bo’lsak, bu masalada ulamolar o’rtasida ixtilof bor.

Jumhur ulamolar, ya’ni to’rtta mazhab imomlari (Aimmatul Arba’a), qasddan yoki uzr bilan qoldirilgan namozlarning qazosini o’qish vojib, deganlar. Ularning nazarida qazo namozni hech narsa soqit qilmaydi.

Ammo Zohiriy mazhabi ulamolari esa, qasddan tark qilingan namozning qazosi bo’lmaydi, balki tavba qilib, ko’proq nafl ibodatlar qilish kerak, deganlar.

Bu masalada biz oldingi darslarda ikkala tomonning dalillarini ham batafsil bayon qilganmiz.

Demak, hozir aytilgan javob namoz masalasida Zohiriy mazhabining qarashiga mos keladi. Bu fikrning ham ulamolar orasida asosi bor.

Lekin bandalarning haqlari masalasida gap aniq. Kimning haqqiga tajovuz qilingan bo’lsa, faqat tavba qilishning o’zi kifoya qilmaydi. Haq egasining haqqini qaytarish yoki undan rozilik olish lozim.

Bandalar o’rtasidagi haqlar rozilik bilan hal bo’lmaguncha, ularning mas’uliyati inson zimmasida qolaveradi.

Vallohu a’lam.