Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin

Albatta bo‘ladi. Domla to‘g‘ri aytgan.

Qazo namozlarini imkon qadar o‘qib borish kerak. Alloh taolo aytadi:

﴿فَاتَّقُوا اللَّهَ مَا اسْتَطَعْتُمْ﴾

“Qo‘lingizdan kelganicha Allohdan taqvo qilinglar.”

Peshindan oldin o‘qiydimi, Asrdan oldin o‘qiydimi — buning zarari yo‘q. Domla odamga oson bo‘lishi uchun shunday yo‘lni tavsiya qilgan bo‘lsa kerak. Masalan, Peshindan oldin bitta Peshin qazosini, Asrdan oldin bitta Asr qazosini o‘qib borsa, sekin-asta qazo namozlari kamayib boradi.

Demak, bu qazo namozlarini asta-sekin ado etishning qulay usullaridan biridir.

Bu masalada qo‘ldan kelganicha harakat qilinadi. Imkoningiz yetganicha ado eting. Agar uzr sababli hammasini bajara olmasangiz, Alloh taolo uzrni qabul qiluvchi Zotdir.

Vallohu a’lam.