Bismillah, alhamdulillah, vassalatu vassalamu ‘ala Rasulillahi va ba’d.

Bu masalada shariatda qanday o‘qish haqida aniq bir ko‘rsatma yoki nas kelmagan. Shariatda mutlaq aytilgan narsalar mutlaqligicha talqin qilinadi. Ya’ni, qanday xohlasangiz, shunday o‘qishingiz mumkin: istasangiz, har farz namozdan keyin bittadan qazo o‘qing; istasangiz, kechqurun bir kunlik qazoning hammasini jamlab o‘qing; istasangiz, kunduz o‘qing, kechasi o‘qing, ko‘proq o‘qing — bu jihatdan cheklov yo‘q.

Shariatda bu borada “mana bunday qil” degan aniq ko‘rsatma bo‘lmagani sababli, odam o‘zining imkoniyati, kuchi va g‘ayratiga qarab, qanchalik ado qila olsa, shunchalik o‘qiyveradi.

Vallohu a‘lam.