Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin

Ha, bunday qilishingiz joiz. Agar siz qarzga olingan pul bilan haj qilsangiz, hajingiz sahih va maqbul bo‘ladi.

Lekin bunday qilmasligingiz afzalroq va to‘g‘riroqdir. Chunki Alloh taolo hajni faqat unga yo‘l topishga qodir bo‘lgan kishiga farz qilgan. Hozirgi holatingizda esa siz haj qilishga moliyaviy jihatdan qodir emassiz.

Shuning uchun qarz olmang. Chunki siz kelajakda nima bo‘lishini bilmaysiz. Balki qarz olarsiz, keyin esa bu qarz zimmangizda qolib, uni to‘lay olmasligingiz mumkin.

Balki kasal bo‘lib qolar, yoki ish topa olmas, yoki hatto vafot etishingiz ham mumkin.

Shu sababli qarz olmang.

Qachonki Alloh sizni boyitsa va haj qilishga yetarli mablag‘ bersa, o‘shanda haj qiling. Agar bunday imkon bo‘lmasa, unda qarz olib haj qilishga urinmang.

Vallohu a’lam.