Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin

Bu hadisda zikr qilingan kishilar — odamlarga zulm qiladigan, ularni nohaq uradigan va o’z mansabidan foydalanib insonlarga ozor yetkazadigan zolimlardir.

Rasululloh ﷺ marhamat qilganlar:

“Men hali ko’rmagan ikki toifa do’zax ahlidir: biri — qo’llarida sigirning dumiga o’xshash qamchilari bo’lib, ular bilan odamlarni uradigan kishilar; ikkinchisi esa kiyingan bo’lsa-da, yalang’och hisoblanadigan, o’zlari ham yo’ldan ozgan va boshqalarni ham yo’ldan ozdiradigan ayollardir. Ular jannatga kirmaydilar, hatto uning hidini ham sezmaydilar. Holbuki, uning hidi falon-falon masofadan kelib turadi.”
(Imom Muslim rivoyati)

Demak, hadisdagi birinchi toifa — odamlarga zulm qiladigan, ularni nohaq uradigan, qamchi va kuch ishlatish orqali haqlarini poymol qiladigan zolim kishilardir. Bu faqat ma’lum bir kasb egalariga emas, balki har qanday mansab yoki qudratdan foydalanib insonlarga zulm qiladigan barcha odamlarga tegishlidir.

Vallohu a’lam.