Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Agar kelayotgan suyuqlik sarg‘ish yoki qizg‘ish rangda bo‘lsa, hali tozalik bo‘lmagan hisoblanadi. Demak, bu holat nifos hukmida davom etayotgan bo‘ladi. Chunki ayol tozalangan deb hisoblanishi uchun butunlay oq suyuqlik yoki hech narsa chiqmasligi kerak bo‘ladi.

Agar shifokor ham bu holatni tabiiy va odatdagi holat deb aytgan bo‘lsa, unda hali poklik bo‘lmagan, deb hisoblab, ibodatlarni boshlamasdan kutish lozim. Faqihlar orasida nifosning eng ko‘p muddati haqida ixtilof bor: ayrimlar 40 kun degan, boshqalar 60 kun degan, hattoki undan ham ortishi mumkin, deganlar bor.

Shuning uchun, sizda oq suyuqlik kelmaguncha, ya’ni aniq poklik belgilari ko‘ringuncha, namoz va ro‘zani boshlamasdan kuting. Shuning uchun, hozircha sizga bir oylik namoz qazosini o‘qish shart emas, chunki tozalik hali ro‘y bermagan.

Xulosa: Sizdagi holat hali nifos hukmida. Oq tozalik belgilari (oq suyuqlik yoki hech narsa chiqmasligi) ko‘ringuncha, ibodatlarni kutib turasiz, namoz qazo bo‘lmagan hisoblanadi.

Vallāhu a‘lam.