Albatta, Subhanalloh, Alhamdulillah, Allohu Akbar deyish — sunnatda bor bo‘lgan amallar. Rasululloh sollallohu alayhi vasallam bunga targ‘ib qilganlar, ya’ni bu amallar sunnatlarda kelgan. Bu — hammaga oid, barchaga tavsiya etilgan amal.

Ammo “100 marta istig‘for aytaman, salavot aytaman” deganingiz ham joiz. Bu ham yaxshi amal. Sunnatda aynan “shuncha marta ayting” deyilgan bo‘lmasa ham, umumiy qilib aytganda, istig‘for va salavot aytish — shar’an man etilmagan, balki targ‘ib etilgan ibodatdir.

Shunchaki, “bu sunnatdagi amal” deb aniq sunnatdan bo‘lmagan songa nisbat bermasangiz bo‘ldi. Ya’ni, necha marta istig‘for aytsangiz, necha marta salavot aytsangiz — ixtiyoringizda. 100 marta aytasizmi, 200 marta aytasizmi — bemalol. Hech kim sizga “istig‘for aytma, salavot aytma” deya olmaydi.