Bunda fuqaholarning ikki xil ko‘zqarashi bor. Ba’zilar tahoratni niyat qilmasa bo‘lmaydi, deydi. Ba’zilar esa, agar katta tahorat, ya’ni g‘usl — janobatdan g‘usl qilyapman deb niyat qilinsa, o‘sha tahoratning hadaslari, joylari ko‘tarilib ketadi, deydi.

Chunki janobatning hadasi katta hadas deyiladi. Katta betohoratlik ko‘tarilganda, kichik betohoratlik ham o‘z-o‘zidan ketib qoladi. Shu sabab, janobatdan niyat qilinsa, o‘zi tahorat ham bo‘lib ketadi, deyilgan.

Ya’ni bu — ixtilofli masala. Shuning uchun yaxshi tarafdan, xilofdan chiqib ketish uchun tahorat qilib, keyin g‘usl qilish sunnat hisoblanadi.

Agar bunday qilmay, faqat g‘usl qilib, tahoratni alohida niyat qilmay g‘usl qilgan bo‘lsa va o‘sha g‘usl bilan namoz o‘qigan bo‘lsa, qayta o‘qib o‘tirmaydi. Chunki bu masalada ixtilof bor.

Lekin bundan keyingisi uchun ixtilofdan chiqib ketish maqsadida, albatta, avval tahorat olib, keyin g‘usl qilish yaxshi bo‘ladi.

Vallohu a’lam.