Albatta, buning hech qanday zarari yo‘q. Junub holida tirnoq olish, soch oldirish yoki badandagi tuklarni olish joizdir. Bularni qilish uchun tahoratli yoki g‘usl qilgan bo‘lish shart degan dalil yo‘q.

Shariatda mashhur qoida bor: «Al-aslu bara’atuz-zimmah» (yoki «al-bara’ah al-asliyyah»). Ya’ni, aslida inson biror narsadan mas’ul emas va narsalar joiz hisoblanadi, toki ularni man qiluvchi dalil kelmaguncha.

Shuning uchun, kimdir: «Junub holida soch olib bo‘lmaydi», «tuk olib bo‘lmaydi» yoki «tirnoq olib bo‘lmaydi», desa, bunga dalil keltirishi kerak.

Chunki asl qoida — ishlarning joizligidir. Bir narsani harom yoki man qilingan deb aytish uchun esa shar’iy dalil bo‘lishi lozim.

Vallohu a’lam.