Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin

Bu masalada o’zingizning sharoitingizni eng yaxshi o’zingiz bilasiz.

Agar borsangiz ham, u yerda bo’layotgan gunohlarga aralashmaslik, ularga sherik bo’lmaslikning imkoni bo’lsa, borishingiz mumkin.

Lekin agar borganingizdan keyin gunoh ishlarga qo’shilib ketishingiz aniq bo’lsa yoki buning oldini olishning iloji bo’lmasa, unda o’zingizni gunohga tashlagan bo’lasiz. Bunday holatda esa gunoh qilinayotgan joyda ota-onaning roziligi uchun gunohga kirish joiz bo’lmaydi.

Ota-onangiz bilan chiroyli muomala qiling, muloyimlik bilan tushuntiring, uzringizni ayting. Zarur bo’lsa, biror uzr yoki bahona bilan to’y kunida bormasangiz ham bo’ladi.

To’y tugagandan keyin borib, singlingizni tabriklashingiz, ota-onangizni ziyorat qilishingiz va qarindoshlik rishtalarini davom ettirishingiz mumkin.

Agar esa: “Men o’zimni saqlay olaman, to’y marosimida qatnashmayman, gunoh ishlarga aralashmayman, uyda qolaman”, deb bunga qat’iy ishonsangiz va bunga haqiqatan ham qodir bo’lsangiz, bunday yo’lni tutishingiz ham mumkin.

Bu masalada hukm sizning sharoitingizga bog’liq. O’zingizning holatingizni, iymoningizning mustahkamligini va u yerda o’zingizni qay darajada saqlay olishingizni eng yaxshi o’zingiz bilasiz.

Vallohu a’lam.