Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin

Bu masalada turmush o’rtog’ingiz vaziyatni to’g’ri tushunsa, juda yaxshi bo’lar edi.

Ona ham Allohning ulug’ ne’matlaridan biridir. Ertaga inson afsus va armon chekib qolishi mumkin. Albatta, kimning qancha umr ko’rishini faqat Alloh biladi. Lekin onangizning yoshi saksonlarga yaqinlashgan ekan, bu vaqtni g’animat bilish kerak.

Agar imkon topilsa, borib onangizni ziyorat qilish, duolarini olish, diydor ko’rishish va nevaralarini ko’rsatish juda yaxshi ish bo’ladi.

Albatta, erning bunday safarni tashkil qilib berishi shar’an majburiyat emas. Ammo bunga imkoni bo’la turib, xotinini onasini ziyorat qilishiga yordam bersa, bu katta fazilat va yaxshi muomaladan hisoblanadi.

Siz esa eringiz bilan muloyimlik, hikmat va chiroyli muomala orqali gaplashishga harakat qiling. Ko’nglini olib, vaziyatni tushuntirib, kelishuv bilan bu masalani hal qilishga urinishingiz maqsadga muvofiqdir.

Vallohu a’lam.