Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Ehtiyoj bo‘lgan paytda oyoq kiyim bilan namoz o‘qish joizgina emas, balki sunnat ham bo‘ladi. Imom Buxoriy rivoyat qilgan hadisda Rasululloh ﷺ oyoq kiyim bilan namoz o‘qiganlari keltirilgan va u bu mavzuga alohida bob ajratgan: “Namozni oyoq kiyim bilan o‘qish” bobida.

Agar odam ehtiyoj bo‘lgan holatda — qorli, yomg‘irli yoki toshli joyda, safarda bo‘lsa — oyoq kiyimini yechmay namoz o‘qishi sunnatga muvofiq bo‘ladi. Aksincha, bunday ehtiyoj vujudga kelgan paytda oyoq kiyimini yechsa, sunnatga xilof ish qilgan bo‘ladi.

Rasululloh ﷺ va sahobalar ham ehtiyoj tug‘ilganda oyoq kiyim bilan namoz o‘qiganlar. Demak, biz ham u zotga ergashib, shunga o‘xshash holatlarda oyoq kiyim bilan namoz o‘qish sunnatini jonlantirishimiz kerak. Har bir holatning o‘z fiqhiy bahosi bor.

Vallohu a‘lam.