– Bismillah,

Alloh ta’ologa hamdlar, undan keyin payg’ambar bo’lmaydigan payg’ambarga, uning oilasi, sahobalari va to qiyomatgacha ularga yaxshilikda ergashganlarga salavot va salomlar bo’lsin.

Agar soqol bir joyda yaxshi chiqib, boshqa joyda kamroq o‘sayotgan bo‘lsa, hozirgi kunda ayrim krem yoki shunga o‘xshash vositalardan foydalanib soqol o‘stirish mumkin, deb aytgan ulamolar bor.

Ammo bunday vositalarni ishlatmaslik yaxshiroq. Soqol umuman chiqmaydigan joylarga qo‘llash haqida ulamolar “mumkin, lekin Alloh taoloning bergan hilqatiga rozi bo‘lish afzal”, deb aytishgan.

Agar soqol kuyish yoki boshqa sabablarga ko‘ra yo‘qolgan bo‘lsa, uni tiklash uchun soqol ektirish joiz deganlar. Lekin shunchaki chiroyliroq ko‘rinish uchun yoki ozroq soqolni ko‘paytirish uchun soqol ektirish joiz emas, deb aytishgan.

Krem surtish va boshqa yengil vositalarni ishlatishga ulamolar biroz yumshoqroq qarashgan. Ya’ni bu harom emas, lekin tabiiy holatda qoldirish yaxshiroq, deb maslahat berishgan.

Vallohu A’lam.