Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin

Birinchi o‘rinda Allohdan so‘rang. Baxtni beradigan Zot — Allohdir. Sizga solih turmush o‘rtog‘ini nasib qilishi Allohning qo‘lidadir. Shuning uchun eng avvalo duo qiling. Duo ijobat bo‘ladigan vaqtlarda, tahajjudda va boshqa fazilatli paytlarda Allohdan so‘rang.

Ikkinchidan, sabablarni ushlang. Balog‘at yoshiga yetgan, aqli raso inson o‘z hayoti uchun harakat qiladi. Siz ham qo‘lingizdan kelgan sabablarni qiling. Alloh taolo o‘zi yo‘l ko‘rsatadi.

Rasululloh ﷺ aytganlar:

«إِنْ تَصْدُقِ اللَّهَ يَصْدُقْكَ»

“Agar sen Alloh uchun sodiq bo‘lsang, Alloh ham senga O‘z va’dasini ro‘yobga chiqaradi.”

Agar inson Alloh uchun chin dildan sodiq bo‘lsa, Alloh taolo unga tavfiq beradi va yo‘lini ochadi.

Shuning uchun yaxshilikni mahkam tuting, yaxshi amallarni ko‘paytiring, Allohdan umidingizni uzmang va sabablarni qiling. Inshaalloh, Alloh taolo sizga eng yaxshi yo‘lni ko‘rsatadi.

Vallohu a’lam.