Yo‘q, bu noto‘g‘ri javob. Qabrdan topilgan narsa, agar u marhumga tegishli tilla bo‘lsa, albatta uning merosxo‘rlariga o‘tadi. Necha yil o‘tgan bo‘lishidan qat’i nazar, bu — aniq masala. Unda hech qanday shubha yo‘q.
Qabrdan topilgan narsani “topib oldik” deb egallash mumkin emas.

Bizning jamiyatda “qabrdan topilgan narsa uniki bo‘ladi” degan noto‘g‘ri gaplar yuradi. Xuddi shuningdek, “kitob o‘g‘risi bo‘lmaydi”, “qabr o‘g‘rligi savob” degan fikrlar ham mavjud. Bu darajada johil va avom (bilimsiz) odamlar o‘zlaricha savob umidida o‘g‘irlik qilishadi. Aslida esa, bu o‘g‘irlik bo‘lib, har qanday savobdan yiroqdir.

Shariatda mulk — ya’ni odamning mol-mulki, jumladan uning tishi (tilla tishi) ham — uning mulki hisoblanadi.
Agar odamning qabrida bo‘lgan tish (masalan, tilla tishi) topilsa, u albatta olinib, merosxo‘rlariga berilishi va shariatga muvofiq ular o‘rtasida taqsimlanishi kerak.

Vallohu a’lam.