Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Agar namozni tik turib o‘qishingiz sog‘lig‘ingizga yoki homilangizga zarar yetkazishi mumkin, degan kuchli gumoningiz bo‘lsa, o‘tirib namoz o‘qishingizga ruxsat bor.

Bu degani, albatta zarar bo‘ladi, degani emas. Balki shifokor tavsiyasi yoki o‘zingizdagi holatga qarab: “Agar tik tursam, qon ketishi kuchayishi yoki homilamga zarar yetishi mumkin,” degan asosli xavotir bo‘lsa, shariat bunday holatda yengillik beradi.

Chunki shariat qiyinchilikni emas, yengillikni istaydi.

Rasululloh ﷺ marhamat qilganlar:

«صَلِّ قَائِمًا، فَإِنْ لَمْ تَسْتَطِعْ فَقَاعِدًا، فَإِنْ لَمْ تَسْتَطِعْ فَعَلَى جَنْبٍ»

“Namozni tik turib o‘qi. Agar bunga qodir bo‘lmasang, o‘tirib o‘qi. Agar bunga ham qodir bo‘lmasang, yonboshlab o‘qi.”

(Sahih al-Bukhari)

Shuning uchun bunday holatda o‘tirib namoz o‘qishingiz joiz.

Vallohu a’lam.