Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Asosiy narsa azon emas, asosiy narsa vaqtning kirishidir. Biz ko‘p aytamiz, mezon azon emas, balki namoz vaqtining kirishidir. Ba’zi joylarda azon vaqt kirishi bilan darhol aytiladi. Masalan, Saudiyada yoki Misrda odatda vaqt kirishi bilan azon aytiladi. Lekin ba’zi joylarda azon kechikib aytilishi mumkin

Shuning uchun agar asr vaqti 16:42 da kirgan bo‘lsa, 17:35 da azon aytilishining ahamiyati yo‘q. Asr vaqti kirishi bilan peshin vaqti tugaydi

Demak, 16:42 dan keyin peshinni o‘qisangiz, qazo bo‘ladi. Peshinni asr vaqti kirishidan oldin o‘qib olish kerak

Bu masalaga juda e’tibor berish kerak. Ko‘p odamlar azonga qarab yurib, asl vaqtni e’tiborsiz qoldiradi. To‘g‘risi vaqtga qarab amal qilinadi, azonga emas

Vallohu a’lam