Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Aslida bu qarz sizning zimmangizda qolmaydi. Uni ishlatgan odam — o‘sha to‘lashi kerak. Qarzni zimmasiga olgan, foydalangan shaxs javobgar bo‘ladi.

Lekin bu masalaning dunyoviy tomoni bor:
Agar o‘sha davlat (masalan, Koreya) tizimida qarz sizning nomingizda turgan bo‘lsa, sizga muammolar chiqishi mumkin. Masalan:

• aeroportdan chiqishda to‘sqinlik qilishlari,

• jarima yoki qarzni majburan undirish,

• huquqiy muammolar yuzaga kelishi mumkin.

Bunday tartibli davlatlarda qarz masalasi jiddiy qaraladi. Shuning uchun bu masalaga befarq bo‘lmaslik kerak — bir kun kelib sizga zarar yetkazishi mumkin.

Shu sababli, imkon bo‘lsa:

• bu masalani yopish (hal qilish),

• yoki o‘sha odam bilan bog‘lanib qarzni to‘latish
  sizning foydangiz uchun yaxshiroq bo‘ladi.

Oxiratga kelsak:
Agar siz bu narsani ishlatmagan bo‘lsangiz va asl holatni Alloh bilib turgan bo‘lsa — javobgarlik o‘sha ishlatgan odamning zimmasida bo‘ladi.

Ammo ehtiyot choralarini ko‘rish — dunyoviy zararlarning oldini olish uchun muhim.

Vallohu a’lam.