Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Yo‘q, bunday narsa bo‘lmagan. Bu aslida shariatga zid narsa. Birovga past nazar bilan qarash, uni kamsitish Islomda man qilingan.

Alloh taolo aytadi

يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ

Ey iymon keltirganlar, bir qavm boshqa qavmni masxara qilmasin

Bu oyat umumiy ma’noni bildiradi. Ya’ni uylanganlar uylanmaganlarni masxara qilmasin, yoki aksincha uylanmaganlar uylanganlarni masxara qilmasin. Bu ham shu oyatning ichiga kiradi.

Yoki millat bilan ajratish, shaharlik-qishloqlik deb ajratish, boy-kambag‘al deb ajratish, odamlarning ustidan kulish — bularning hammasini Alloh taolo harom qilgan.

وَلَا تَلْمِزُوا أَنْفُسَكُمْ وَلَا تَنَابَزُوا بِالْأَلْقَابِ

Bir-biringizni ayblamanglar va yomon laqablar bilan chaqirmanglar

Sahobalar shunday harom ishlarni qilgan deymizmi? Albatta yo‘q. Sahobalar bu kabi yomon xulqlardan uzoq bo‘lganlar.

Ular orasida bunday past nazar bilan qarash degan narsa bo‘lmagan. Bu gaplar johil yoki noto‘g‘ri tushungan odamlarning so‘zlaridir.

Shuning uchun bunday gaplarga e’tibor bermaslik kerak.

Vallohu a’lam