Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Agar sizning mazhabingizda uchinchi va to‘rtinchi rakatlarda Fotihani o‘qish kerak deb ushlagan bo‘lsangiz, albatta o‘qing.

Siz:
“Pichirlasa ham bilinadi”, deysiz. Lekin ichingizda, o‘zingiz eshitadigan darajada o‘qisangiz, bunda hech kimning ishi bo‘lmasa kerak.

Axir hech kim:
“Sen nima uchun pichirlading?” deb kelib so‘ramasa kerak-ku.

Odamning bu darajada odamlardan qo‘rqib qolishi yoki odamlar bir-birini shu darajada kuzatib yurishi achinarli hol.

E’tibor bermang. O‘zingiz to‘g‘ri deb bilganingizga amal qilavering.

Faqat jahriy — ovoz chiqarib o‘qimang.

Agar kimdir so‘rasa:
“Fotihani ichimda o‘qidim”, desangiz bo‘ladi. Buning nima zarari bor?

Siz axir boshqalarga:
“Nega o‘qimayapsiz?” demayapsiz-ku.

Shuningdek, uni boshqalarga eshittiradigan darajada pichirlashingiz ham shart emas. O‘zingiz eshitadigan darajada bo‘lsa kifoya.

Vallohu a’lam.