Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Omin. Bu haqiqatda katta musibat. Ayrim ayollar hijobdan chiqishga bahona izlab yurgan bo‘lishadi — mana, fitna sababli bahona topildi. Alloh taoloning fitnalarni yuborishidan maqsad — kim chin iymonli, kim esa nifoq egasi ekanini ajratishdir. Bu kabi sinovlar — iymon va sadoqatni yuzaga chiqaruvchi vositalardir.

Kimdir hijob taqiqidan yig‘lab, duo qilib, sabr bilan yondashadi — bu haqiqiy mo‘min. Kimdir esa “bo‘ldi” deb butkul ochilib ketadi — bu esa sinovdan yiqilgan kishidir.

Shayton va zolimlarga Allohning imkon berishi ham ana shunday sinov vositasidir. Shunday paytlarda sabr qilgan, taqvo bilan yashagan ayollar boshqalarga ibrat bo‘ladi. O’zi Alloh xohlasa, bitta paytning o‘zida har bir narsani o‘zgartiradi, lekin imtihon qilish — hikmatidir.

Shunday paytda iymonni saqlab qolish, imkon qadar Allohning roziligi bilan yashash kerak. Qandaydir tashqi to‘siqlar bo‘lsa ham, ichki taqvoni saqlash lozim. Bahonaga suyanib butkul gunohga sho‘ng‘ish – bu xato yo‘ldir.

Sabr bilan yashaylik, Allohdan doimo duo qilib so‘raylik:
“Allohim, bizni diningda sobit qilgin, qalbimizni iymonda mustahkamla, bizni bu fitnalardan o‘z panohingda asra!”
Vallāhu a‘lam.