Vallohu a’lam, bo‘ladi. Chunki “Javobing o‘zing bilan”, degan gapni ikki xil ma’noda tushunamiz.

“Javobing o‘zing bilan”, degani, ya’ni: “Javobingni berdim, javobing qo‘lingda turibdi”, degan ma’noda tushunilishi mumkin. “Pattasini qo‘liga berdi”, deyiladi-ku, xuddi shunday ma’noda.

Yoki “Javobing o‘zing bilan”, degani: “Ixtiyoring o‘zingda, xohlasang talog‘ingni o‘zing ixtiyor qilgin”, degan ma’noda bo‘ladi. Xotin: “Iddada o‘tiribman”, degani — “Bo‘ldi, ixtiyor qildim”, degani. Shu bilan taloq tushadi.

Ikkala holatda ham bunda taloq tushadi. Agar iddasi tugagan bo‘lsa, albatta, boshqa erga tegsa bo‘laveradi.

Vallohu a’lam.