Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin

Yo’q. Bu masalada tafsilotni avval ham aytganmiz.

Biz tanlagan fiqhiy qarashga ko’ra, bunday ibora taloq emas, balki qasam hukmida bo’ladi. Ya’ni erning: “Falon ishni qilsang, taloqsan”, degan gapi qasam ma’nosini oladi.

Go’yo u: “Allohga qasam, agar shu ishni qilsang, seni taloq qilaman”, degandek bo’ladi.

Xalq orasida ham shunga o’xshash iboralar ishlatiladi. Masalan: “Shu ishni qilsang, o’lding!” deyiladi. Bu bilan darhol o’ldirilgani nazarda tutilmaydi, balki tahdid va ogohlantirish maqsadi ko’zlanadi.

Shuningdek, ayol o’sha ishni unutib yoki esidan chiqarib qilgan bo’lsa ham, hukm o’zgarmaydi.

Agar ayol shartni buzsa, er xohlasa taloq beradi. Agar taloq bermasa, bu holda uning qasami buzilgan bo’ladi. Qasam buzilganida esa qasam kafforati beriladi, ammo taloq o’z-o’zidan tushmaydi.

Vallohu a’lam.