Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bunday holatda imtihonlarga borib-kelish joiz, chunki bu zarurat holatiga kiradi. O‘qigan odam uchun imtihonni topshirish muhim va kechiktirib bo‘lmaydi. Ammo idda hukmiga binoan, kechqurun o‘z uyida tunashi lozim.

Shariatda iddada bo‘lgan ayolga tirikchiligi uchun zarurat yuzasidan uyidan chiqishga ruxsat berilgan. Hatto Rasululloh ﷺ iddada bo‘lgan bir ayolga ishlashga ruxsat berganlar. Imtihon topshirish esa ishlashdan ham muhim ehtiyoj bo‘lishi mumkin.

Shuning uchun siz kunduzi imtihonlarga borib kelsangiz, bu joiz bo‘ladi. Faqat kechasi albatta o‘z uyingizda idda niyatida tunab yuring.
Vallohu a‘lam.