Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Alloh taolo dengiz ovini halol qilgan:

أُحِلَّ لَكُمْ صَيْدُ ٱلْبَحْرِ وَطَعَامُهُۥ مَتَـٰعًۭا لَّكُمْ وَلِلسَّيَّارَةِ ۖ 

“Sizlar uchun dengiz ovi va uning taomi halol qilindi…”
(Moida surasi, 96-oyat).

Rasululloh ﷺdan dengiz suvi haqida so’ralganda:

“Uning suvi pok, o’ligi haloldir.”
(Abu Dovud, Termiziy va boshqalar).

Ba’zi narsalarda ulamolar o’rtasida ixtilof bor. Masalan, “dengiz cho’chqasi” yoki “dengiz iti” kabi nomlar bilan ataladigan jonzotlar haqida bahs qilingan. Lekin bu nomlar ularning haqiqiy cho’chqa yoki it ekanini anglatmaydi. Bu shunchaki nom bo’lib, ular dengiz jonzotlaridir.

Xuddi shuningdek, chig’anoq va midiya ham dengizdan chiqadigan jonzotlar bo’lib, dengiz oviga kiradi. Alloh taolo halol qilgan ne’matlardan hisoblanadi.

Vallohu a’lam.