Bismillah,

Alloh ta’ologa hamdlar, undan keyin payg’ambar bo’lmaydigan payg’ambarga, uning oilasi, sahobalari va to qiyomatgacha ularga yaxshilikda ergashganlarga salavot va salomlar bo’lsin.

Chaqaloq aksirganda unga kattalarga aytilganidek: «Yarhamukalloh» deyiladi. Agar, chaqaloqning o‘zi «Alhamdulillah» deyishga qodir bo‘lmasa, masalan, yoshi kichikligi tufayli bunday gapira olmasa, baribir unga «Yarhamukalloh» deb javob beriladi.

Ayrimlar chaqaloqqa «Barakallohu fiyk» deb aytish mumkinligini aytganlar. Biroq, bu Rasululloh sollallohu alayhi vasallamdan kelmagan va bu haqida hech qanday hadis yo‘q.
Shuning uchun chaqaloqqa ham aksirganda kattalarga aytilgan so‘zlar qo‘llanadi.

Vallohu A’lam