Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bu holatda avvalo aniqlik kiritish kerak: u yigit o‘sha ayol bilan haqiqatan nikohsiz yashaganmi, yoki rasmiy nikoh bo‘lganmi? Farzandlari bo‘lsa, ehtimol ular birga yashagan, lekin rasmiy nikoh (zaks) qilmagan bo‘lishi mumkin.

Agar be-nikoh yashagan, ya’ni zino qilgan bo‘lsa va hozir ham bu holat davom etayotgan bo‘lsa, unda bunday kishiga qizni turmushda qoldirish joiz emas. Zinokor bilan yashash shar’an joiz emas – ajratib olish lozim bo‘ladi.

Ammo agar u ayol bilan nikohda yashagan bo‘lsa, farzandlar ham shundan bo‘lgan bo‘lsa, hozir esa u yigit qizingizga yaxshi muomala qilayotgan, pul yuborib turgan, xulqi va diniy holati yaxshi bo‘lsa — bu holatda sabr qilib, hayotlarini davom ettirishlari mumkin.

Bunda asosiy e’tibor:

• Hozir u yigitning diniy va axloqiy holati qanday?

• O‘tmishdagi gunohi bo‘lsa ham, hozir tavba qilib to‘g‘rilanganmi?

• Kelinga muomala va zimmasidagi mas’uliyatni bajaryaptimi?

Agar bu jihatlar ijobiy bo‘lsa, ularning hayotiga to‘siq bo‘lmaslik kerak. Lekin agar hali ham be-nikoh munosabatda bo‘lsa — bu katta muammo, va ajratish lozim bo‘ladi.

Vallohu a‘lam.