Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Umumiy holatda bu ish joiz, agar shar’an man etilgan narsa sotilmayotgan bo‘lsa, ya’ni harom mahsulotlar bo‘lmasa, ayolning kiyinishida hijobga zid holatlar kuzatilmasa, va savdo qilishda yolg‘on, aldov, nohaqlik bo‘lmasa — bunday savdo bilan shug‘ullanish mumkin.

Lekin bunday holatda erning izni zarur. Chunki ayol erga tekkanidan so‘ng uning tashqaridagi ish-harakatlari erining roziligi bilan bo‘lishi kerak. Er ruxsat bermasa, lekin pul ham bermasa-chi? Agar ayol hayot uchun zarur ehtiyojlar (ovqat, boshpana, kiyim-kechak) bilan ta’minlangan bo‘lsa, lekin u hashamat yoki ortiqcha qulaylik istab savdo qilishni xohlasa, bu holda erining iznisiz savdo qilish joiz emas.

Agar er ruxsat bersa yoki “xo‘p, qilaver” desa — ayolning ishlashi joiz bo‘ladi. Lekin agar ruxsat bermasa, ayol sabr qilishi lozim. Sabr qilishga toqat qilolmasa, eridan ajralishni talab qilishi mumkin. Bu holat oxirgi choradir, shunga yetmasdan oldin sabr qilish, duo qilish, Allohdan turmush o‘rtog‘ining qalbini ochishini so‘rash eng yaxshi yo‘l bo‘ladi.

Vallohu a‘lam.