Albatta, ruxsat so‘rash kerak bo‘ladi. Xotin kishi ko‘chaga chiqishda, agar eri talab qilsa va har chiqqanida ruxsat so‘rashni shart qilsa, albatta ruxsat so‘rashi kerak. Farzandinikiga borsa ham, boshqa joyga borsa ham, baribir ruxsat olishi lozim.

Shunday ekan, xotin kishi farosatli bo‘lib, eridan avvaldan izn olib qo‘yishi kerak. Masalan, erining kayfiyati yaxshi paytda yoki suhbatlashayotgan chog‘ida: “Mening darsim bor, ba’zan sizdan so‘rashga imkon topolmay qolayapti. Telefon qilsam, bog‘lanolmay qolayapman. Darsdan qolib ketmayin desam, nima deysiz?” — deb aytsa, er aqlli bo‘lsa, yo‘q demaydi. Axir, u baribir ruxsat berar ekan.

Demak, bunday holda avvaldan ruxsat olib qo‘yish mumkin. Shuning uchun odam o‘zi uchun bo‘lmagan muammolarni chiqarib o‘tirmasligi kerak. Bu kabi narsalar “yo‘q joydagi muammolar” hisoblanadi. Er baribir ruxsat berayotgan bo‘lsa, o‘sha ruxsatni o‘rinli tarzda oldindan olish kifoya.

Umuman olganda, ruxsat so‘rash kerak. Vallohu a’lam.