Bismillah, alhamdulillah, vassalatu vassalam ‘ala rasulillohi va ba’d.

Hadisda “qora” deb kelmagan. Ba’zi rivoyatlarda “oq ilon” deb ham kelgan. Lekin “qora” deganini bilmayman. Hadisda uyda yashaydigan savākinul-buyūt — ya’ni uylarda yashaydigan jinlar bo‘ladi, ular ilon shaklida keladi, deyiladi.

Rasululloh sallallohu alayhi vasallam: “Ularni uch marta ogohlantiringlar” deganlar. Ya’ni, Sulaymon alayhissalom sizlardan olgan va’daga binoan, jinlarga aytiladi: “Biz yashayotgan joylarda yashamang, chekka joylarga ketinglar”, deb. Shundan keyin, agar ular ketmasa, ularni o‘ldirish halol bo‘ladi, o‘ldirish mumkin, deyilgan.

Ogohlantirgandan keyin ham qolsa, u zolim bo‘ladi. “Qasos oladi” degan gap to‘g‘ri emas, ulardan qo‘rqilmaydi. Chunki Alloh subhānahu va taolā bu obod joylarni bizga berdi, odamlar uchun yaratdi. Jinning joylari esa kavaklar, jarlarning kavaklari, tog‘larning orasida — inson qadami yetmaydigan joylarda bo‘ladi. Ammo agar ular odamlar yashaydigan joylarga kelib o‘rnashib olsa, bu noto‘g‘ri yo‘lni tutgan bo‘ladi, odamlarning haqiga tajovuz qilgan bo‘ladi.

Shuning uchun ogohlantirish buyurilgan. Rasululloh sallallohu alayhi vasallam ularni “uyda yashaydigan jinlar” (savākinul-buyūt) deb ataganlar. Demak, ogohlantiriladi, agar ogohlantirgandan keyin ham ko‘rinaversa, o‘ldiriladi. Agar haqiqatan jin bo‘lsa, ogohlantirgandan keyin o‘zi ketib qoladi.

Vallohu a’lam.