Nazr qilish hukmi qasam kafforatiga o‘xshaydi. Agar nazringizni bajara olmay qolsangiz, ayniqsa uzrli sabab bo‘lsa, gunohkor bo‘lmaysiz.

Bunday holatda qasam kafforatini ado etasiz. Kafforat quyidagilardan biridir:

• bir qulni ozod qilish (hozirgi kunda buning imkoni yo‘q);
• yoki 10 ta miskinni to‘ydirish;
• yoki 10 ta miskinni kiyintirish.

Agar bunga imkoningiz bo‘lmasa, uch kun ro‘za tutasiz.

Alloh taolo aytadi:

﴿فَمَن لَّمْ يَجِدْ فَصِيَامُ ثَلَاثَةِ أَيَّامٍ﴾

Ya’ni, avvalo 10 ta miskinni to‘ydirish yoki kiyintirishga harakat qilinadi. Agar bunga imkon bo‘lmasa, uch kun ro‘za tutiladi.

Alloh sizga shifo bersin. Bundan keyin ham imkoningiz bo‘lsa, Qur’on o‘qishni davom ettiring. O‘zingizga yaxshi amalni nazr qilibsiz. Kuniga bir varaq Qur’on o‘qish og‘ir ish emas. Mo‘min kishi Qur’on bilan yashashi kerak.

Agar ovoz chiqarib o‘qishga qiynalsangiz, ko‘z bilan kuzatib yoki qoridan tinglab ham Qur’on bilan mashg‘ul bo‘lishingiz mumkin. Bir varaq Qur’on o‘qish katta og‘irlik emas. Qur’ondan butunlay yuz o‘girib qo‘yish esa mo‘minga munosib emas.

Vallohu a’lam.