Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin

Agar shar’iy nazar haqiqatan ham nikoh niyati bilan qilingan bo’lsa, bunda hech qanday gunoh yo’q.

Shar’iy nazarning o’zi shariat ruxsat bergan amallardan biridir. Agar keyinchalik turli sabablarga ko’ra nikoh amalga oshmay qolsa, bu bilan avval qilingan shar’iy nazar gunohga aylanmaydi.

Hatto bundan ham kuchliroq misol shuki, ikki kishi nikoh qurib, er-xotin bo’lib yashashi, keyinchalik esa taloq bilan ajralishi mumkin. Idda muddati tugagach, ular bir-biriga begona bo’lib qoladilar. Shunga qaramay, nikoh davridagi halol munosabatlari sababli ularga gunoh yozilmaydi.

Xuddi shuningdek, shar’iy nazar ham halol va yaxshi niyat bilan qilingan bo’lsa, keyinchalik nikoh amalga oshmay qolgan taqdirda ham bunda hech qanday gunoh bo’lmaydi.

Chunki inson shariat ruxsat bergan ishni qilgan bo’ladi.

Vallohu a’lam.