Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin

Agar samolyotda namoz vaqtini o’tkazib yuborish xavfi bo’lsa va namozni yerga tushgandan keyin o’qishning imkoni bo’lmasa, namoz samolyotning o’zida o’qiladi.

Qiblaga to’liq yuzlanishning imkoni bo’lmasa, samolyot ketayotgan tomonni qibla deb niyat qilib namoz o’qiladi. Chunki bunday holatda boshqa tomonga burilishning imkoni bo’lmaydi.

Shuningdek, samolyotda tik turish uchun ham odatda imkoniyat bo’lmaydi. Yo’lak tor bo’ladi va yo’lovchilarga xalaqit bermaslik kerak. Shu sababli namoz o’tirgan holda ado etiladi.

Takbir aytiladi, so’ng ruku’ boshni biroz egish bilan ishora orqali bajariladi. Sajda esa ruku’dan ko’ra ko’proq egilish bilan ishora qilinadi.

Shunday qilib, zarurat holatida samolyotdagi o’z o’rningizda o’tirgan holda namozingizni ado qilishingiz mumkin.

Vallohu a’lam.