Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Buning aniq bir ko‘rsatmasi yo‘q.

Rasululloh ﷺ aytganlar:

“صَلِّ قَائِمًا, فَإِنْ لَمْ تَسْتَطِعْ فَقَاعِدًا, فَإِنْ لَمْ تَسْتَطِعْ فَعَلَى جَنْبٍ”

 “Tik turib namoz o‘qi. Agar bunga qodir bo‘lmasang, o‘tirib o‘qi. Agar bunga ham qodir bo‘lmasang, yonboshlab o‘qi.”

(Sahih al-Bukhari, 1117)

Demak, o‘tirib o‘qishda ma’lum bir shakl shart emas.

Masalan:

• kursida o‘tirib o‘qish mumkin
• yerda o‘tirib o‘qish mumkin
• oyoqni uzatib o‘tirish ham mumkin

Qaysi biri qulay bo‘lsa, o‘shani qiladi.

Masalan, masjidda jamoat bilan bo‘lganda ham, o‘zi uchun qulay holatni tanlaydi.

Bunda asosiy mezon:

فَٱتَّقُوا۟ ٱللَّهَ مَا ٱسْتَطَعْتُمْ

Allohga qo`lingizdan kelganicha taqvo qiling

(Surah At-Taghabun, 64:16)

Shuningdek: “Dinda haraj (qiyinchilik) yo‘q.” Mana shu ikki qoidani jamlab:

– qo‘lingizdan kelganicha
– o‘zingizni qiynamay
– imkon darajasida namozni ado qilasiz.

Vallohu a’lam.