Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Qazo ro‘zalarni tutishda muayyan bir kun shart emas, tutaverasiz. Masalan, o‘sha nafl kunlariga to‘g‘irlab tutsangiz ham bo‘ladi, dushanba–payshanba kunlari qilib tutsangiz ham bo‘ladi.

O‘sha eringiz bor paytlarga mo‘ljallamay, imkon bo‘lgan paytlarni tanlab tutganingiz yaxshi. Yoki qish paytlarini mo‘ljallab, kunlar qisqa bo‘ladigan vaqtlarni tanlab, imkon borida yengil-yengil qilib tutib olishingiz ma’qul.

Bunda shariatda hech qanday ko‘rsatma yo‘qki, uni qiynalib tutsin, paydar-pay tutsin, ketma-ket tutsin, degan joyi yo‘q.

Shuning uchun nafl kunlariga to‘g‘rilab, o‘zingizga qulay va oson paytlarda tutishingiz mumkin. Bu o‘zi uchun yengil ham, yaxshi ham bo‘ladi.

Vallohu a’lam.