Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Agar bunday holatda ikkala tomonning bolalari balog‘atga yetmagan bo‘lsa, nikoh bog‘lanadi.

Ya’ni balog‘atga yetmagan bola bo‘lsa, ota: “Qizimni o‘g‘lingga berdim” desa, ikkinchi tomon: “Oldim”, desa — guvohlar oldida nikoh bog‘lanadi.

Ammo agar ular balog‘atga yetgan bo‘lsa, unda albatta ularning roziligi kerak — har ikkala tomonning ham.

Ayniqsa qizning roziligi shart. Otasi qizidan ruxsat olishi kerak: “Seni turmushga beryapman”, deb.

Xuddi shuningdek, o‘g‘il tomonda ham o‘g‘ilning roziligi bo‘lishi kerak. Ota o‘g‘ilning vakili bo‘lishi uchun o‘g‘il unga vakolat berishi lozim.

Balog‘atga yetgan, masalan 20 yoshli yigitni otasi uning roziligisiz birovga uylantirib qo‘ya olmaydi. Albatta yigitning o‘zidan so‘raladi.

Agar yigit: “Mayli, ota, meni kimga nikohlasangiz, roziman”, deb oldindan vakolat bergan bo‘lsa, unda otasi uning nomidan nikoh qilishi mumkin.

Xuddi shuningdek, qiz ham otasiga: “Meni kimga turmushga bersangiz, roziman”, deb vakolat bergan bo‘lsa, otasi uning nomidan nikoh qilishi mumkin.

Shunda ota ikki tomonning vakili sifatida qiz va o‘g‘ilni bir-biriga nikohlab qo‘yadi va bu guvohlar oldida amalga oshadi.

Ammo agar ular balog‘atga yetgan bo‘lib, o‘z roziliklarini bermagan yoki vakolat bermagan bo‘lsa, faqat otalarning gaplari bilan nikoh bog‘lanmaydi.

Vallohu a’lam.