Bu “yaminul g‘amūs” deyiladi — ya’ni yolg‘on qasam. Bu katta gunohlardan (kabira gunoh) hisoblanadi. “G‘amūs” degani — egasini gunohga, hattoki do‘zaxga botiradigan qasam degan ma’noni anglatadi. Shuning uchun musulmon odam bunday qasamdan qattiq tiyilishi kerak.

Agar odam ataylab yolg‘ondan qasam ichgan bo‘lsa, buning eng asosiy yo‘li — chin tavba qilish. Allohning nomini yolg‘on joyda ishlatgan bo‘lsa, Allohdan kechirim so‘rashi, nadomat qilishi va qayta bunday qilmaslikka qat’iy azm qilishi lozim.

Alloh taolo Qur’onda:

ٱلَّيْلِ ۚ إِنَّ ٱلْحَسَنَـٰتِ يُذْهِبْنَ ٱلسَّيِّـَٔاتِ ۚ

“Albatta, yaxshiliklar yomonliklarni ketkazadi.”

Hud surasi, 114-oyat.

Shuning uchun ko‘proq yaxshilik qilish, ehson qilish, istig‘for aytish tavsiya etiladi.

Kafforat masalasi

Bu masalada ulamolar o‘rtasida ixtilof bor:

• Ba’zi fuqaholar (jumladan, Shofe’iy mazhabidagi ayrim ulamolar) yolg‘on qasam uchun ham qasam kafforati beriladi, deganlar.

• Hanafiy mazhabida esa mashhur qavl shuki: yaminul g‘amūsning kafforati yo‘q, chunki bu oddiy buzilgan qasam emas, balki ataylab yolg‘on ichilgan qasamdir. Bunday holatda kafforat emas, balki chin tavba talab qilinadi.

Shuning uchun asosiy masala — tavba va istig‘for.

Alloh taolo Qur’onda marhamat qiladi:

۞ قُلْ يَـٰعِبَادِىَ ٱلَّذِينَ أَسْرَفُوا۟ عَلَىٰٓ أَنفُسِهِمْ لَا تَقْنَطُوا۟ مِن رَّحْمَةِ ٱللَّهِ ۚ إِنَّ ٱللَّهَ يَغْفِرُ ٱلذُّنُوبَ جَمِيعًا ۚ إِنَّهُۥ هُوَ ٱلْغَفُورُ ٱلرَّحِيمُ ٥٣

 «Ey, o`z jonlariga isrof (javr) qilgan bandalarim, Allohning rahmatidan noumid bo`lmang! Albatta, Alloh barcha gunohlarni mag`firat etar. Albatta, Uning O`zi o`ta mag`firatli va o`ta rahimli Zotdir», 

Az-Zumar 53-oyat

Hech kim gunohdan xoli emas. Muhimi — gunohda turib qolmaslik, qaytish, tavba qilish va hayotni to‘g‘ri yo‘lga burishdir.

Alloh taolo bizni yolg‘on qasamdan saqlasin va tavbalarimizni qabul qilsin.

Vallohu a‘lam.