Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Avvalo, buni sehr deb qat’iy aytib bo‘lmaydi. Taxmin bilan hukm chiqarilmaydi. Nikoh ham rizqdir. Alloh taolo kimga qachon, qanday rizq berishni O‘zi biladi.

Siz sabablarni qiling, harakatni to‘xtatmang. Ba’zi odamlar tez uylanadi, hatto bir necha marta uylanib-ajrashib yuradi. Ba’zilar esa sabr bilan kutadi. Bu — taqsimot.

Siz:

• sabablarni mustahkam tuting,

• yaxshi tavsiyalar so‘rang,

• tanish-bilishlar orqali izlang,

• doirada kengroq harakat qiling,

• duoni ko‘paytiring.

Sehr masalasiga kelsak — har bir ishni sehrga bog‘lab yuborish to‘g‘ri emas. Ko‘pincha bu oddiy sabablar, ijtimoiy qarashlar yoki moslik masalasi bo‘ladi.

Sabr qiling. Alloh taolo bir eshikni yopsa, boshqasini ochadi. Balki sizga yanada yaxshiroq, yanada solihroq juftni tayyorlayotgandir.

Alloh taolo yo‘lingizni ochsin, qalbingizni xotirjam qilsin va sizni solih, diyonatli juft bilan siylasin.

Vallohu a‘lam.