Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

“Jinlar kundur hidiga kelmaydi” deyish uchun jinlarning o‘zidan so‘rash kerak bo‘ladi: qayerga kelasizlar, qayerdan qochasizlar?

Odamlar bu borada ko‘pincha taxmin bilan gapiraveradi: “Bunga keladi”, “bunga kelmaydi”, deb.

Aslida jinlar ham — bir maxluqot, g‘oyib xalq. Ular bizga ko‘rinmaydi, lekin mavjud. Ularning ham hayoti bor. Ularning hayoti biznikiga ma’lum darajada bog‘liq.

Jinlar va inson hayoti

Rasululloh ﷺ bizga jinlardan panoh so‘rashni o‘rgatganlar:

• Hojatxonaga kirishda,

• Uxlashda,

• Eshiklarni yopishda,

• Idishlarning ustini yopishda,

• Ovqat yeyishda (o‘ng qo‘l bilan),

• Er-xotin yaqinlashishida ham duoni aytish lozim.

Demak, jinlar inson hayotiga aralashishi mumkin. Lekin bu degani har narsani jin bilan bog‘lab tashlash kerak degani emas.

Jinlarning solihlari va fosiqlari

Jinlar orasida ham musulmonlari, solihlari bor. Ular musulmonlarga zarar bermaydi. Agar zarar berayotgan bo‘lsa — bu fosiq jinlar bo‘ladi. Bu jihatdan ular insonlarning fosiqlariga o‘xshaydi.

Bu ko‘pincha taxmin va tajribaga asoslangan da’volar. Qur’on va sahih Sunnatda jinlar aynan falon hidga kelmaydi, degan aniq nass yo‘q.

Ruqiya masalasida

Ruqiya shariy usulda qilinadi: Qur’on o‘qish, duo qilish bilan.
Lekin ayrim joylarda:

• haddan oshish,

• jin bilan suhbatni tafsilotlab gapirish,

• aniq sonlar aytish,

• har narsani jinga yuklash

kabi holatlar uchraydi. Bu ehtiyot talab qiladi.

Ahli sunna val jamoa aqidasiga ko‘ra, jin insonga ozor berishi mumkin. Lekin bu masalada bilmagan narsani aniq qilib gapirish to‘g‘ri emas.

Xulosa

Kundur hidiga jin kelmaydi, degan gapga ochiq shar’iy dalil yo‘q.

Jinlar nimadan qochadi, nimadan qo‘rqadi — bu masalada aniq qaytarish bo‘lmasa, qat’iy hukm berish to‘g‘ri emas.

Bizga buyurilgani:

• Allohdan panoh so‘rash,

• Zikr va duoga e’tibor berish,

• Har narsani jinga bog‘lab yubormaslik,

• Bilmagan narsani gapirmaslik.

Vallohu a‘lam.