Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Ha, albatta qaytarib berishi kerak.
Agar qaytarmasa, bo‘ynida qarz bo‘lib qoladi.

Chunki bu pul ayolning qo‘lida erining puli sifatida omonat hisoblanadi.
Agar Allohning taqdiri bilan er-xotin ajrashib ketadigan bo‘lsa, ayol kishi omonatni egasiga — eriga qaytarib berishi shart.

Ajrashdik, endi hamma narsa tugadi deb qasddan zarar yetkazish, erning mol-mulkini yo‘q qilish yoki yashirish — joiz emas.

Ayol bu holatda taqvo qilishi, musulmonlik adabidan chiqmasligi kerak.
Er endi erlik maqomidan chiqsa ham, musulmonlik haqi baribir qoladi.

Alloh taolo Qur’onda marhamat qiladi:

وَلَا تَنسَوُا۟ ٱلْفَضْلَ بَيْنَكُمْ ۚ

“O‘rtalaringizdagi fazlni unutmanglar.”

Baqara surasi, 237-oyat

Bu oyat shuni bildiradiki:

• Ayolning ustida erning haqqi bor

• Erkakning ustida ham ayolning haqqi bor

Ajrashuv paytida:

• bir-birini la’natlash,

• qasddan mol-mulkka zarar yetkazish,

• kiyim-kechakni yirtish,

• asab bilan ish qilish

— bularning barchasi shariatda harom ishlar hisoblanadi.

Ayol kishi qo‘lida turgan erining moli omonat bo‘lgani uchun:

• uni to‘liq va halol holda topshirib berishi kerak.

Agar:

• pul ayolning o‘ziga tegishli bo‘lsa — o‘zinikini oladi;

• ammo erning pulini yig‘ib turgan bo‘lsa — u erning puli hisoblanadi.

Ajrashgandan keyin ham:

• omonat omonatligicha qoladi,

• egasiga qaytarilishi shart.

Aks holda, ayolning bo‘ynida qarz bo‘lib qoladi.

Allohu a‘lam.