Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bu gap mutlaqo noto‘g‘ri tushuncha.
Bunday holatda taloq tushadi, shubha yo‘q.

Agar taloq mavzusi muhokama qilinayotgan bo‘lsa va ayol:
“Javobimni bering” desa,
eri esa:
“Javobingni berdim” desa — bu ochiq  taloq iborasi hisoblanadi.

Buni qanday tushunish mumkin?

Agar 100 ta odamni olib kelib so‘rasangiz ham, barchasi bir xil javob beradi:
“ Taloq berildi”, deydi.

Bu yerda:

• qoziga murojaat qilinadimi yoki yo‘qmi — farqi yo‘q;

• taloq erning og‘zidan chiqqan zahoti tushadi;

• bu holat zohiran ham, botinan ham taloq tushgan holat hisoblanadi.

Taloq tushishi uchun qozining hukmi shart emas.
Qozi faqat:

• nizoni hal qilish,

• hujjatlashtirish,

• inkor bo‘lsa aniqlik kiritish uchun kerak bo‘ladi.

Ba’zi holatlarda:

• ibora kinoya bo‘lsa,

• ma’nosi ikki xil bo‘lishi mumkin bo‘lsa,

unda niyat so‘raladi.

Lekin bu savoldagi ibora ochiq va ravshan  bo‘lgani uchun:

• niyat so‘ralmaydi,

• “Niyatim taloq emas edi” degan gap qabul qilinmaydi.

Xulosa:

• “Javobingni berdim” — taloqdir

• Qozi oldiga chiqmaslik — taloqni bekor qilmaydi

• Alloh bilan banda orasida ham taloq tushgan hisoblanadi

Vallohu a‘lam.