Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Alloh taolo Qur’onda tanbeh berib aytganidek:

أَتَسْتَبْدِلُونَ الَّذِي هُوَ أَدْنَىٰ بِالَّذِي هُوَ خَيْرٌ

“Yaxshi bo‘lgan narsani undan yomonrog‘iga almashtirasizlarmi?”

Abdurauf — bu Alloh taoloning “Ar-Ra’ūf” (أَلرَّؤُوف) ismidan olingan ism bo‘lib, “Mehribon Zotning bandasi” degan ma’noni anglatadi. Shunday go‘zal va sharafli ismni qo‘yib, keyin uni o‘zgartirish — yaxshidan yaxshimasiga o‘tish bo‘lib qoladi.

Rauf ismining o‘zi ham yomon emas, u ham “mehribon” degan ma’noni bildiradi. Ammo Abdurauf undan ham afzalroq, chunki u ubudiyat (bandalik) ma’nosini o‘z ichiga oladi.

Odamlar qisqartirib aytsa — aytaversin. Sizdan: “Ismingiz nima?” deb so‘rashsa, “Abdurauf” deb ayting. Agar kimdir “Rauf” deb chaqirsa, unga ham javob bera qolavering. Chunki ikkala ism ham ma’nosi jihatidan yomon emas.

Ammo rasmiy va asl ismingizni o‘zgartirmang. Bu yaxshi ism, yaxshi ismni o‘zgartirishga hojat yo‘q.

Vallohu a‘lam.