Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bunday holat — shaytonning vasvasasi. Uni o‘zingizdan qat’iy rad eting. Vasvasa kelganda o‘zingizga ayting:

“Yo‘q, men Alloh uchun o‘qiyapman. Bor ishingni qil!”

Agar kerak bo‘lsa, “men yana uzunroq o‘qiyman” deb, ibodatni davom ettiring. Shu yo‘sinda bir necha marta qilsangiz, vasvasa o‘zi yo‘qoladi.

Vasvasani yo‘qotishning eng yaxshi yo‘li — unga e’tibor bermaslikdir. Chunki kim vasvasaning ortidan yuraversa, u kuchayadi. Ammo kim unga e’tibor bermasa, shayton undan umidini uzadi.

Agar shayton: “odamlar uchun o‘qiyapsan” desa, siz ayting:

“Yo‘q, men faqat Alloh uchun o‘qiyapman. Kerak bo‘lsa, yana uzunroq o‘qiyman.”

Shunda shayton o‘ylaydi: “Men bunga vasvasa qilsam, u ibodatini yanada kuchaytiradi,” deb sizdan umidini uzadi.

Bu usul tajribada ham ko‘p marta sinovdan o‘tgan.
Vallohu a‘lam.