Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Bu gap – munkar va noto‘g‘ri gap. Ota-onaga “oq bo‘lay” deb qasam ichishga o‘xshash gapni aytish o‘zi noto‘g‘ri. Chunki gunohning o‘zi og‘ir ish, ustiga-ustak ota-onaga oq bo‘lishni tilga olish juda xatarli.

Ulamolar bu masalada ixtilof qilishgan:

• Hanafiy ulamolari: buni qasam hisoblashgan.

• Shofi’iy ulamolari: buni la’v (behuda, amal qilinmaydigan gap) deyishgan.

Shunday ekan, bu odam ota-onasiga oq bo‘lib qolmaydi. Lekin qilgan gunohi sababli baribir gunohkor bo‘ladi. To‘g‘ri yo‘l – Allohdan taqvo qilib, chin dildan tavba qilish, istig‘for aytish va ko‘p solih amallar qilishdir.

Alloh taolo aytadi:
إِنَّ الْحَسَنَاتِ يُذْهِبْنَ السَّيِّئَاتِ
“Albatta, yaxshiliklar yomonliklarni ketkazadi.” (Hud, 114)

Shuning uchun: tavba qilsin, sadaqa bersin, ko‘p yaxshiliklar qilsin. InshaAlloh, Alloh taolo uni kechiradi.

Vallohu a‘lam.