Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Avvalambor, “oyligi yaxshi bo‘lgani uchun ishlashga majbur” degan so‘z noto‘g‘ri. Agar joyi noshar’iy bo‘lsa, bunday ishda ishlamaslik kerak. Halol ishni izlash farzdir.

Uchta o‘g‘il bo‘lsa, uchta o‘g‘il bitta onani qarashi mumkin. Onasi insult bo‘lib, yura olmasa, hojatlarini bajara olmasa, albatta farzandlari xizmat qilishlari kerak. Bu qiyin bo‘lsa-da, savobi nihoyatda ulug‘.

Maslahat sifatida: farzandlardan biri uylanishi va yoshroq emas, balki tajribaliroq, uy ishlarini biladigan, onaga xizmat qila oladigan ayolga uylanishi yaxshi bo‘ladi. Sahobalardan Jābir ibn ‘Abdullāh (r.a.) ham otasi shahid bo‘lgach, to‘qqizta singlisiga bosh bo‘lib, yosh qiz emas, balki kattaroq ayolga uylangan. Rasululloh ﷺ undan so‘raganlarida, u otasining vasiyatini aytib bergan va Rasululloh ﷺ ham buni tasdiqlaganlar.

Shunday qilib, onaga qarash, xizmat qilish farzandlarning zimmasida. Agar holat juda og‘ir bo‘lsa, farzandlardan biri uylanib, yoshroq emas, balki tajribali ayolni uyga olib kelsa, bu onaning xizmatini yengillashtiradi. Jamiyatda turmush qurishga muhtoj bo‘lgan ayollar ham bor, shuning uchun halol yo‘l bilan bu masalaga yechim topish mumkin.

Uyni kreditga olish masalasida esa, noshar’iy yo‘llardan ehtiyot bo‘lish lozim. Uy ijarada bo‘lsa ham zarar emas. Muhimi, onaga qarash, xizmat qilish, Allohning roziligini topishdir.

Xulosa

• Onaga xizmat qilish farz. Uch o‘g‘ilning uchalasi navbat bilan yoki kelishib qarashlari kerak.
• Agar sharoit og‘ir bo‘lsa, ulardan biri uylanib, onaga xizmat qila oladigan ayolni olib kelishi maslahatdir.
• Kredit va noshar’iy ish masalasida ehtiyot bo‘lish kerak. Muhimi — halol rizq va onaga xizmat.

Alloh taolo sizlarga kuch-quvvat va baraka bersin. Āmīn.