Bismillah, alhamdulillah, vassalatu vassalamu ‘ala rasulillahi va ba’d.
Bu er-xotin qilgan ishlaringiz “Ishim bitta, eshagim loydan o‘tdi”, degandek bo‘libdi-da. Ya’ni nazr qilibsizlar: eringiz toat qilishni, ya’ni ma’siyatdan to‘xtashni nazr qilgan, siz esa yaxshilik qilishni nazr qilgansiz. Lekin ikkovlaringiz ham nazrni unutib qo‘yibsizlar.

Ammo sizga hali fursat bor. Chunki o‘sha mahrdan beraman degan bo‘lsangiz, mahrni ishlatib yuborganingizdan keyin yana boshqa mablag‘dan “bu o‘sha mahrim hisobidan”, deb bersangiz bo‘ladi. Shunda sizning nazringiz ado qilingan bo‘ladi, insha Alloh.

Eri bo‘yicha esa: u nazrini bajo keltirmabdi. Chunki “musiqa eshitmayman”, deb nazr qilib, keyin eshitib yurgan ekan. Demak, u nazriga vafo qilmagan. Bu xuddi qasamini buzgan odamga o‘xshaydi. Shuning uchun u kishi qasam kafforatini beradi, Allohga tavba qiladi va bundan keyin ma’siyatdan to‘xtashga harakat qiladi. Chunki bu faqat sizga uylanmaganida vojib bo‘lgan amal emas, balki barcha mo‘minlar uchun vojib bo‘lgan narsa hisoblanadi.

Vallohu a’lam.