Bismillah,

Alloh taologa hamdlar, undan keyin payg‘ambar kelmaydigan oxirgi payg‘ambar, uning oilasi, sahobalari va qiyomatgacha ularga yaxshilik bilan ergashganlarga salovot va salomlar bo’lsin.

Agar ayolingiz sizga iqtido (ya’ni sizga ergashib) namoz o‘qiyotgan bo‘lsa, bu holatda namozi sahih bo‘ladi, in shaa Alloh. Biroq, ayol kishi o‘zining yakka o‘qiydigan namozlarida (masalan, sunnatlarda) hech bo‘lmasa Fotiha surasini o‘qishi lozim.

Agar Fotiha surasini yodlay olmagan bo‘lsa, uni yozib olib, qarab o‘qishi mumkin. Namozda o‘qish uchun Fotiha juda muhim. Qolgan qismlar — At-Tahiyyat, qunut, salovot — sekin-sekin o‘rganiladi. Muhimi — harakat qilish.

Shuningdek, tahoratni to‘g‘ri olishni ham o‘rgating. Fotiha surasini yodlab olsa, qolganini Allohning izni bilan o‘rganib oladi. Ijtihod qilsa, qisqa vaqtda o‘zlashtiradi.

Xulosa:
Hozircha sizga iqtido qilib o‘qiyapti — bu sahih. Asosiy e’tibor Fotiha surasini o‘rganish va tahoratni to‘g‘ri qilishga qaratilsin. Qolganini esa asta-sekin o‘rganib ketadi, in shaa Alloh.

Vallāhu a‘lam.